Насанд хүрсэн хүний соска: Стресс бууруулах арга
Хятадад зарим залуус стрессээ бууруулахын тулд насанд хүрэгчдэд зориулсан том хэмжээтэй соска хэрэглэж байгаа бөгөөд энэ хандлага дэлхий даяар тархаж байна.
Хэрэглэгчид энэхүү соска нь тэднийг тайвшруулж, илүү сайн унтаж, тав тухтай мэдрэмж төрүүлдэг гэж үзэж байна.
Сэтгэл зүйчид үүнийг “хүүхэд насны дадал зуршил, зан үйл рүү эргэн орох сэтгэл зүйн процесс” гэж тайлбарлаж байна. Энэ нь хүн аюулгүй байдлын мэдрэмжийг авахын тулд хүүхэд насны дадал зуршлуудад эргэн ордогтой холбоотой.
Гэсэн хэдий ч мэргэжилтнүүд стрессийг жинхэнэ утгаар нь шийдэхгүй гэж анхааруулж байна.
Шүдний эмч нар хамгийн их санаа зовж байна. Учир нь урт хугацааны хэрэглээ нь буруу байрласан шүд, эрүүний асуудал, залгиурын хүндрэл зэрэг ноцтой шүдний асуудлуудыг үүсгэж болно. Мөн унтаж байх үед гацах, амьсгал тасалдах эрсдэл бий. Эрүүл мэндийн мэргэжилтнүүд сосканд найдахгүйгээр хөдөлгөөн, бясалгал, сэтгэлзүйн зөвлөгөө зэрэг илүү аюулгүй, тогтвортой аргуудыг хэрэглэхийг зөвлөж байна.
Эх сурвалж: Fact point
