Хар ус нуурын байгалийн цогцолборт газрыг энэ онд ЮНЕСКО-ийн Шим мандлын нөөц газрын дэлхийн сүлжээнд бүртгүүлж, батламж гардан авлаа. Хар ус нуурын байгалийн цогцолборт газар нь ховор, ховордсон амьтны байршил, эх газрын цэнгэг устай нуур, говь цөл, хээр тал, мөнх цаст уулыг багтаасан өвөрмөц нутаг юм. Мөн шувуудын амьдрах орчныг бүрдүүлэхэд чухал үүрэгтэй ба нуурын зэгс, шагшуурга, ус, намгархаг газрын хамгийн том төлөөлөгч гэдгээрээ онцлогтой.
