Төв аймгийн Баянчандмань сумын засаг дарга Г.Ариунболд согтууруулах ундааны зүйл хэрэглэсэн үедээ А.Өлзийням гэх эмэгтэйг зодож танхайрсан тухай хохирогч өөрийн цахим хуудаснаа мэдээлсэн.
Тодруулбал, Дуучин А.Өлзийням гэх эмэгтэй нь Баянчандмань суманд худалдааны төвийг түрээслэн хоолны үйлчилгээ эрхэлдэг бөгөөд тус сумын засаг дарга Г.Ариунболд гэх хүн согтууруулах ундааны зүйл хэрэглэсэн үедээ А.Өлзийням болон ажилчдынх нь биед халдаж танхайрчээ. Мөн тус сумын засаг дарга "7 га газар авах уу" гэж хэлсэн тухай хохирогч бүсгүй лайвынхаа үеэр ярьсан юм. Тэгвэл Ерөнхий сайд Л.Оюун-Эрдэнэ "Хууль эрх зүйн шилжилттэй холбоотой Засаг даргад шинээр газар олголт хийх захирамж гаргахгүй байх" талаар үүрэг даалгавар өгсөн байдаг.
Сонирхуулахад, Баянчандмань сумын засаг дарга Г.Ариунболд нь 2015 онд Тамгын газрын дарга байх үедээ 26 настай малын эмч бүсгүйд бэлгийн дарамт учруулсан гэх хэрэгт холбогдож байсан аж.
https://isee.mn/n/67206
