http://www.nutag.mn
Увс Хөвсгөл Баян-Өлгий Сэлэнгэ Дундговь Булган Ховд Говь-Алтай Завхан Орхон Архангай Сүхбаатар Дорноговь Говьсүмбэр Өмнөговь Өвөрхангай Баянхонгор Хэнтий Дорнод Дархан-Уул Төв Улаанбаатар

Хойд Солонгос төрийн далбаагаа шинэчиллээ


Хойд Солонгос улс 1948 онд байгуулагдсанаасаа хойш анх удаа төрийн далбааныхаа хэмжээг өөрчилжээ. Тус улсын шинэчилсэн Үндсэн хуульд далбааны өргөн, өндрийн харьцааг 1:2 байсныг 1:1.65 болгон өөрчилсөн тухай Ёнхап агентлаг мэдээллээ.
Шинэчилсэн Үндсэн хуулийн 166 дугаар зүйлд төрийн далбааны өндрийг нэгж гэж тооцвол өргөн нь 1.65 нэгж байхаар заажээ. Өмнө нь энэ харьцааг 1:2 гэж хуульчилж байсан бөгөөд 2023 оны есдүгээр сард Үндсэн хуульд нэмэлт, өөрчлөлт оруулах хүртэл хэвээр мөрдөж ирсэн байна. Харин далбааны өнгө, үндсэн загварт өөрчлөлт оруулаагүй аж. Тодруулбал, голдоо өргөн улаан зурвастай, дээд доод хэсэгт нарийн цагаан болон цэнхэр зурвас байрласныг хэвээр үлджээ. Мөн зүүн талын улаан таван хошуут од бүхий цагаан дугуй дүрсийг хадгалсан байна.
Энэхүү өөрчлөлт нь Хойд Солонгосын удирдагч Ким Жон Ун өөрийн засаглалын хэв маяг, үндэсний онцлогийг төлөвшүүлэхийн зэрэгцээ өмнөх удирдагчдын өв уламжлалыг хадгалах бодлого баримталж буй үетэй давхцаж байна.
скачать dle 12.0

Next Post

Шинэ мэдээ