Сэлэнгэ аймгийн Ерөө сумын Буургачин багийн Өвөржаргалант гэдэг ууланд буюу аймгийн төвөөс зүүн урд зүгт 315 км, Мандал сумын төвөөс зүүн хойд зүгт 100 км-т явж байсан 2 ачааны автомашин “Ерөө” гол гатлах гэж байгаад мөс цөмөрч усанд суужээ. Тэд самар ачсан байсан бөгөөд энэ сарын 11-ний өдрийн 17:55 цагт дуудлага өгч, тус аймгийн Мандал сум дахь Онцгой байдлын хэлтсийн Гал түймэр унтраах, аврах 19 дүгээр ангийн алба хаагчид 12-ны өдрийн 04:30 цагт очиж 12:26 цагт Катра загварын ачааны автомашиныг татан гаргасан байна. Харин Зил-131 загварын ачааны автомашиныг татан гаргах боломжгүй байсан тул тэнд нь үлдээжээ.
