Эрүүл мэндийн яамнаас ээлжит мэдээллээ хийв. ХӨСҮТ-ийн Тандалт судалгааны албаны дарга А.Амбасэлмаа "Өчигдөр 11.00 цагт мэдээлэл хийснээс хойш 12711 хүнд шинжилгээ хийхэд 1 хүнээс коронавирусийн халдвар илэрлээ. Энэ нь Сэлэнгэд батлагдсан тохиолдлын ойрын хавьтлын хүн. Улаанбаатар хот болон бусад халдвар гарсан аймагт шинээр халдвар бүртгэгдээгүй.
Аймгуудаар авч үзвэл,
- Архангай аймгийн батлагдсан тохиолдол 3
- Сэлэнгэ аймаг 216
- Орхон 25
- Улаанбаатар 140
- Дорноговь 32,
- Говьсүмбэр 4
- Дархан-Уул 45 хэвээрээ байна.
Дотоодын халдвар 465, тусгаарлалтад 49, эрүүл мэндийн ажилчид 21 байна.
Улсын хэмжээнд нийт батлагдсан тохиолдол 918, эдгэрсэн 384, эмчлэгдэж байгаа 525 байна. Үүнээс 473 хөнгөн, 49 хүндэвтэр, 2 хүнд, 1 хүн маш хүнд байна" гэлээ.
