Улаанбаатар-Зүүнхараа чиглэлийн ачааны 2557 дугаар галт тэргэнд энэ сарын 17-ны өдөр Сонгинохайрхан дүүргийн 21 хороо Ногоон толгой орчим зусаж байсан малчин Б-н хариулгагүй орхисон 15 тооны бог мал төмөр замын хориг хашаанд орж галт тэргэнд дайруулжээ.
Жинтэй ачаа тээвэрлэж яваа галт тэрэг нь бусад тээврийн хэрэгслийн адил тэр дороо зогсох буюу эгнээ байраа өөрчлөх боломжгүй, яаралтай тормозлоход 800-1000 м газрыг туулж байж зогсдог байна.
Иймээс малчд малаа төмөр замын аюултай бүсээс холуур бэлчээх, малаа хариулгагүй орхихгүй байхыг Цагдаагийн байгууллагаас анхаарууллаа. Дээрх зөрчилд Зөрчлийн тухай хуулийн 14.10 дугаар зүйлийн дагуу нэг зуун тавин нэгжтэй тэнцэх хэмжээний төгрөгийн торгууль ногдуулах аж.
