Энэ сарын 11-ний 21:35 цагаас нийслэл рүү хөдлөх ёстой байсан Хөх хот-Улаанбаатарын чиглэлийн галт тэргэнд халдварт өвчний сэжигтэй зорчигч байсныг Хилийн мэргэжлийн хяналтын албаны хяналтаар илрүүлэн, холбогдох байгууллагууд яаралтай арга хэмжээ авч байна.
Тухайн хүн БНХАУ-ын Сэчуан мужид 14 хоног туршлага судалсан гэх өгүүлэмжтэй, 37.4 хэмийн халуунтай байсан талаарх мэдээллийг Мэргэжлийн хяналтын байгууллагаас өгч байна. Дорноговь аймгийн Мэргэжлийн хяналтын газраас Замын-Үүд боомтод хүч нэмэгдүүлэн ажиллаж байгаа аж. Тус чиглэлийн цуваанд 7-8 галт тэрэг байгаа бөгөөд зорчигч, төмөр замын ажилтан нийт 105 хүн бий. Тэднийг галт тэргэнд нь түр тусгаарлан, хамгаалалтад аваад байна. Харин өвчний сэжигтэй зорчигчийн суусан галт тэргэнд нийт 17 хүн байгаа аж.
