НАТО-гийн Цэргийн хорооны дарга адмирал Бауэр 2024 оны есдүгээр сарын 8-10-ны хооронд Монгол Улсын Зэвсэгт хүчний Жанжин штабын даргын урилгаар Монгол Улсад айлчилсан талаар гаднын сайт онцолжээ. Адмирал Бауэр НАТО-гийн гишүүн орнууд болон Монгол Улсыг хамтын хүсэл тэмүүллээр холбож, ардчилсан орнуудын хувьд энхтайван, тогтвортой байдлын үндсэн хүсэл эрмэлзэлтэй байдгийг онцолжээ. Энэ сарын 8-ны ням гарагт Адмирал Бауэр Таван толгод Энхтайванг дэмжих ажиллагааны сургалтын төвд (PSOTC) зочилжээ. Монголын Тавантолгод байрлах энхийг дэмжих ажиллагааны сургалтын төв нь Түншлэлийн сургалт, боловсролын төвийн сүлжээний нэг хэсэг гэдгээрээ алдартай. Энэ сарын 9-ний даваа гарагт Адмирал Бауэрыг Монгол Улсын Зэвсэгт хүчний Жанжин штабт зочлоход цэргийн хүндэт харуул угтан авсан. Адмирал Бауэр Зэвсэгт хүчний жанжин штабын дарга, хошууч генерал С.Ганбямбатай уулзаж, Монгол Улсын Зэвсэгт хүчний шинэчлэлийн талаар ярилцжээ. Дараа нь адмирал Бауэр НАТО-гийн тэргүүлсэн энхийг сахиулах ажиллагаанд оролцож, үүрэг гүйцэтгэсэн Монголын цэргүүдтэй уулзжээ.
Монгол Улс 16 гаруй жилийн турш НАТО-гийн энхийг сахиулах ажиллагаанд оролцсон. Эхлээд Косово (KFOR), дараа нь Афганистанд гэх мэтээр. НАТО болон Монгол Улс 2005 оноос хойш яриа хэлэлцээ, хамтын ажиллагаа өрнүүлж байгаа бөгөөд 2012 оны гуравдугаар сараас эхлэн бие даасан түншлэл, хамтын ажиллагааны хөтөлбөр хэрэгжиж байна. 2024 онд Монгол Улс НАТО-той анхны бие даасан түншлэлийн хөтөлбөрт шилжсэн. Үүнд эмэгтэйчүүд, энхтайван, аюулгүй байдлын хөтөлбөр, уур амьсгалын өөрчлөлт ба аюулгүй байдал, онцгой байдлын менежмент, хүний кибер хамгаалалт зэрэг олон асуудлын хамтын ажиллагаа орно. 2024 оны аравдугаар сард НАТО-гийн төв байранд НАТО болон Монгол Улс цэргийн штабын хэлэлцээ хийнэ
