Хөвсгөл аймгийн Нэгдсэн эмнэлгийн удирдлага, яаралтай түргэн тусламжийн тасаг, лабораторийн тасагт Олон улсын чанарын менежментийн тогтолцоо ISO9001:2015 стандартыг үйл ажиллагаандаа нэвтрүүлж, гэрчилгээгээ гардан авлаа.
Тус эмнэлэгт чанарын менежментийн тогтолцооны MNS ISO 9001:2015 олон улсын стандартыг хэрэгжүүлэгч байгууллага болсноороо өдөр тутмын үйл ажиллагаагаа сайжруулна.
Мөн үйлчлүүлэгчийн шаардлагад нийцсэн эрүүл мэндийн тусламж үйлчилгээг тасралтгүй, тогтвортойгоор аюулгүй орчинд хүргэх, эрсдэл болон боломжоо төлөвлөж тусгах, хэрэгжүүлэх, хянах, сайжруулах үйл явцын уялдааг хангаж, тогтвортой хөгжлийн бат бэх суурь бий болгож байна. Цаашдаа хамрах хүрээгээ нэмэгдүүлэн нийт үйл ажиллагаандаа нэвтрүүлэхээр зорин ажиллаж байгаа юм байна.
