Байрны цахилгаан шатны хонгилд өөрийгөө боомилж нас барсан цогцсыг Онцгой байдлын албанаас гаргажээ.
Тодруулбал, Баянзүрх дүүргийн 22 дугаар хорооны баригдаж байгаа орон сууцны барилгын цахилгаан шатны хонгилд 1 хүн боомилж нас барсан тухай дуудлагыг 04.10-ны өдрийн 21:24 цагт хүлээн авсан. Нийслэлийн Аврах ангийн алба хаагчид очиж тус байрны 10 дугаар давхарын цахилгаан шатны хонгилоос боомилж нас барсан иргэн З /32 настай, эрэгтэй/-ын цогцсыг буулган тус дүүрэг дэхь Цагдаагийн 1 дүгээр хэлтсийн жижүүрийн бүрэлдэхүүнд шилжүүлэн өгчээ.
Мөн Баянзүрх дүүрэг 16 дугаар хороо дулааны шугамын худагт цогцос байна гэсэн дуудлагыг 04.10-ны өдрийн 14:27 цагт хүлээн авсан. Нийслэлийн Аврах ангийн алба хаагчид очиж /нэр, хаяг тодорхойгүй/ 50 орчим настай эрэгтэй хүний удаж муудсан цогцсыг гаргаж Цагдаагийн байгууллагад шилжүүлэн өгсөн байна.
https://www.toim.mn/article/5ec13a3c?fbclid=IwAR2wvylbKKYtqDRhTWmL-Y4FjTPvyp5S8XghWrr-W8cAwzQFB82Kc6LSiFA
