АНУ-ын Мэн мужийн нэгэн шатахуун түгээх станцад худалдсан сугалааны тасалбар эзэндээ 1.348 тэрбум долларын жекпот авчирсан нь түүхэн дэх хоёр дахь том жекпот болсон гэж Mega Millions-ын зохион байгуулагчид мэдэгдэв.
“13-ны Баасан гарагт дахин нэг удаа Mega Millions-ын хувьд азтай өдөр байлаа! Мэйн сугалааны тасалбар эзэмшигч нь баасан гарагийн орой сугалсан цагаан бөмбөг 30, 43, 45, 46, 61 дээр нэмэх нь алтан мегабол 14 гэсэн зургаан тоотой таарах цорын ганц тасалбар болж шинэ жилээ маш аз жаргалтай угтлаа" гэж сугалааны мэдэгдэлд дурджээ.
Хэрэв ялсан хүн хожсон мөнгөө бэлнээр авахаар шийдсэн бол татвар өгөөд 723.5 сая ам.доллар авна. Үгүй бол энэ дүнг гучин жилийн хугацаанд хэсэгчлэн авна. Гурван сар үргэлжилсэн сугалаанаас 26 дахь оролдлогоор шагналын эзэн тодорлоо. Ялах магадлалыг 302.6 саяд нэг гэж тооцсон.
2018 оны жекпот 1.537 тэрбум долларын ялалт түүхэн дэх дээд амжилт хэвээр байна. 2002 оноос хойш зохион байгуулагдаж буй сугалааны азтан долоо дахь удаагаа 13-ны баасан гарагт тодорлоо.
