Тосгоны эмэгтэйчүүдийн хөдөлмөр эрхлэлтийг дэмжих зорилго бүхий шинэ хүнсний үйлдвэр нээлтээ хийжээ. Сэлэнгэ аймгийн Сайхан сумын Номгон тосгонд байгуулсан энэхүү үйлдвэр нь Туркийн хамтын ажиллагааны зохицуулах агентлаг /ТИКА/-ийн 100 сая төгрөгийн өртөг бүхий тоног төхөөрөмжийн хөрөнгө оруулалтаар байгуулагджээ.
Тус үйлдвэрт бууз, банш бэлтгэх, хүнсний ногоо даршлах, пакетлах, гүн хөлдөөх, нарийн боов үйлдвэрлэх зэрэг үйлдвэрлэлийг явуулах юм байна. УИХ-ын гишүүн Ч.Ундрамын дэмжлэгтэйгээр Орон нутаг дахь эмэгтэйчүүдийн хөдөлмөр эрхлэлтийг дэмжих зорилгоор энэхүү хүнсний үйлдвэрийн төсөлажил болжээ.
