Увс аймагт өчигдөр хоёр удаа газар хөдөлжээ. ОБЕГ-ын газраас мэдээлснээр Увс аймгийн Сагил сумын “Үүрэг нуур” гэдэг газар өчигдөр 09:48 цагт 4.5 магнитудын хүчтэй газар хөдлөлт болжээ. Аймгийн төвөөс баруун хойд зүгт 183 километрийн зайд 13:44 цагийн үед дахин 4.5 магнитудын хүчтэй газар хөдөлсөн тухай мэдээллийг ШУА-ийн Одон орон, геофизикийн хүрээлэнгээс цахим шуудангаар ирүүлжээ. Иргэдэд газар хөдлөлтийн чичирхийлэл сул мэдрэгдсэн бөгөөд хохирол учраагүй тухай аймгийн Онцгой байдлын газар мэдээллээ.
