Эрдэнэбүрэнгийн УЦС-ыг Ховд, Увс, Баян-Өлгий аймгийн нутаг дэвсгэр дамнан баригдахаар төлөвлөж буй. Гэтэл тухайн нутгийн иргэд тус усан цахилгаан станцыг барихыг эсэргүүцэж, сумын Иргэдийн төлөөлөгчдийн хурлын тогтоол гарсан талаар бид өмнө мэдээлсэнбилээ.
Тэгвэл тус эсэргүүцэл ширүүсч, иргэд төслийн багийнханд гар хүрсэн тохиолдол гарчээ. Тодруулбал, Эрдэнэбүрэнгийн усан цахилгаан станц төслийн нэгж, Увс аймгийн Өмнөговь сумын иргэдтэй уулзах үеэр төслийн багийн гишүүнийг танилцуулга хийж байхад нь нутгийн иргэн түлхэж унгасан байна. Энэ талаарх бичлэг олон нийтийн сүлжээнд тархаж, иргэд "Улсын хөгжлөөс хойш татаж байна. 200 хүрэхгүй иргэний эрх, нийт монголчуудын эрх ашгийг зөрчиж байна" хэмээж байгаа юм.
