Үүрийн буюу 05:18 цагт Чингэлтэй дүүргийн 13 дугаар хороонд гэр шатаж байна гэсэн дуудлага Онцгой байдлын албанд иржээ. Энэ дагуу тус дүүргийн Гал түймэр унтраах, аврах 10 дугаар ангийн алба хаагчид очиход иргэн С-ийн 5 ханатай гэр, 2х2 метрийн хэмжээтэй амбаар бүрэн шатаж байсныг унтраажээ. Харамсалтай нь гал түймэрт иргэн С /25 настай, эрэгтэй/-гийн нүүр, хүзүү, гар, хөлийн хэсэг, Х /3 сартай, эрэгтэй/-гийн нүүр, гарын хэсэг түлэгдэж гэмтэн, иргэн Х /23 настай, эмэгтэй/, Е /3 настай, эрэгтэй/ нар өртөж нас баржээ.
