Баянхонгор аймгийн Баянговь сумын Залаа 3 дугаар багийн “Өлзий үүрийн ам”, “Хойд хажуу” гэдэг газруудад /аймгийн төвөөс баруун урд зүгт 150-200 км-т, сумын төвөөс хойд зүгт 50-53 км/-т 03.14-ний өдрийн 16:00 цагийн үед 28 м/с хүчтэй шороон шуурга шуурчээ.
Шуурганы улмаас малчин Г, Д нарын 5 ханатай гэр нурж, эвдэрсэн байна.
Өнөөдөр төвийн аймгуудын нутгийн өмнөд, говийн аймгуудын нутгаар нойтон цас, цас орж, цасан шуурга шуурч, Алтайн салбар уулс, говь, тал, хээрийн нутгаар салхи секундэд 15-17 метр хүрч ширүүсэж, шороон шуургатай байхыг цаг уурын байгууллагаас онцгойлон анхааруулж байна.
