2020 оны гуравдугаар сарын 20-ны өдөр буюу өнөөдөр Улаанбаатарын цагаар 11:03:11-д Говь-Алтай аймгийн Тонхил сумаас зүүн урд зүгт өргөрөгийн 46.06, уртрагийн 94.07-т 5.8 магнитудын хүчтэй газар хөдлөлт болсон тухай бид өмнө мэдээлсэн. Энэ газар хөдлөлтөөр Тонхил сумын ЗДТГ-ын байрны туслах хана цуурсан байна.
Тэгвэл 2020 оны гуравдугаар сарын 20-ны өдөр Улаанбаатарын цагаар 11:14:38-д Говь-Алтай аймгийн Тонхил сумаас зүүн урд зүгт 30 км-т өргөрөгийн 46.05 уртрагийн 94.04-д 3.6 магнитудын хүчтэй давтан газар хөдлөл болжээ. Түүнчлэн мөн өдрийн 11:55:03 цагт Говь-Алтай аймгийн Тонхил сумаас зүүн урд зүгт 31 км-т өргөрөгийн 46.06 уртрагийн 94.07-д 4.5 магнитудын хүчтэй давтан газар хөдлөлт болсон байна.
Эх сурвалж: Одон орон геофизикийн хүрээлэнгийн Алтай салбар
