Ерөнхийлөгч асан Х.Баттулгын шууд дэмжлэгээр парламентын танхимд тухалсан Б.Мөнхбаясгалан, Ө.Шижир, О.Алтангэрэл нар "Х.Баттулгад Төгрөг нуурын орд хамааралтай бол төрд тодорхой хувиа шилжүүлэх ёстой" гэсэн ярилцлага өгч, гангарцгаав.
Бүр Ерөнхий сайд Л.Оюун-Эрдэнээр хөтлүүлж, нам намын бүлэг дамжин ""Би АТГ-ын даргаар ажилламаар байна, дэмжиж өгнө үү" гэж дуугарсан З.Дашдаваа "Х.Баттулгад хамааралтай эсэхээр нь "Төгрөг нуурын орд" дээр шалгалт яууллна" гэж ам шүд алдав. Тэр бол АТГ-ын даргаар анх томилогдохдоо тухайн үеийн хуулийн зохицуулалтаар Х.Баттулгын дэмжлэгээр УИХ руу нэрээ оруулсан түүхтэй албан тушаалтан.
"Төгрөг нуурын орд"-ыг гадныханд зарсан Х.Баттулгын асуудлыг ярих бол зэрэгцүүлээд Ч.Хүрэлбаатарын Солонгосчуудад зарсан "Хотгор шанагын уурхай"-г ч өнөөдөр хөндөх л ёстой. Атлаа Х.Баттулгыг зүгээр л Ж.Оджаргалтай зэрэгцүүлсэн сэдвээр хэрүүл өдөөхийн тулд зориудаар нийгэм рүү уг агуулгыг шидчихсэн логик харагдана.
Баялаг ашиглагчидтай хийх Засгийн газрын хэлцлийг тэргүүлж буй Н.Учрал хувийн баахан амбицтай, ерөөс Ерөнхий сайд болох мөрөөдөлтэй ч саях сэдвийг дангаараа шидчихсэн гэдэг нь ч эргэлзээтэй. Ерөнхийлөгчийн сонгуульд АН-аас, МАН-аас ч өрсөлдөх амбицтай дүрүүд санаагаа эл илэрхийлж эхлээд буй энэ үед Х.Баттулга С.Ганбаатарыг дагуулаад, баялгийн сан ярьж монгол орноо тойрч яваа.
Өчигдөр |2025.04.03| Ерөнхийлөгч асан Х.Баттулга Төрийн ордонд мэдээлэл хийх битүү зар тарж, хэвлэлийнхэн цугларсан ч өнөөх нь өрөөгөө түгжээд алга болсон байв. Х.Баттулга ингэж өөрөө сэдэв болох ч түүндээ орж ирдэггүй, гаднаас нь удирддаг онцлогтой. Цэргүүд нь ч, найз нь ч түүний талаар ярьж болно, гэхдээ тэр эзгүй байх ёстой. Тэр дүрмээрээ л болов. Нийгмийн хандлага, риакшн ямар сэдэв дээр хэрхэн, хаашаа ханарахыг тэр ажиглаж, тэгэнгээ өөрийгөө ч яриулж амжиж байна.
Г.ҮҮЛТ
https://eguur.mn/580763/
