"The Hu" хамтлаг энэ онд зохиогдох аялан тоглолтынхоо хуваарийг өөрсдийн албан ёсны цахим хуудсаараа дамжуулан нийтэд зарлажээ. Тодруулбал,
- Гуравдугаар сарын 21-нд Австралийн Мельбурн
- Гуравдугаар сарын 23-нд Сидней
- Гуравдугаар сарын 24-нд Брисбен хотод тус тус тоглох аж. Энэхүү тоглолт нь Knotfest Australia фестивалийн хүрээнд зохион байгуулагдаж буйгаараа онцлог юм.
Мөн "The Hu" хамтлаг "Rumble of Thunder” нэртэй хоёр дахь цомгоо худалдаанд гаргаад буй. Уг цомогт “Учиртай гурав”, “Шихихутаг”, “Татар дайчин”, “Хар аянга”, “Байгаль эх” зэрэг 13 дуу багтсан байна.
