ОХУ-ын Ерөнхийлөгч Владимир Путин ням гарагт хэвлэлд өгсөн ярилцлагадаа Орост зэвсгийн хангалттай нөөц байгаа гэж мэдэгдээд, хэрвээ Украин маргаантай зэвсгийг хэрэглэвэл харилцан хариу арга хэмжээ авна гэж анхааруулжээ. Путин АНУ-аас Украинд кассет сум нийлүүлэх талаар хийсэн анхны тайлбартаа Орос Украинд хийж буй дайнд өнөөг хүртэл кассет бөмбөг ашиглаагүй гэж мэдэгджээ. Тэрбээр "Одоог хүртэл бид үүнийг ашиглаагүй, ийм хэрэгцээ ч байгаагүй" гэжээ. Пентагон пүрэв гарагт АНУ-аас нийлүүлсэн кассет сум Украинд ирсэн талаар мэдэгдсэн. Өнгөрсөн долоо хоногт Ерөнхийлөгч Жо Байден эцсийн шийдвэрийг гаргахаас өмнө АНУ-ын удирдагчид хэдэн сарын турш хурцадмал асуудлыг хэлэлцсэн. Хүмүүнлэгийн бүлгүүд болон АНУ-ын зарим холбоотнууд кассет сумыг удаан хугацааны турш шүүмжилсээр ирсэн, учир нь өмнөх мөргөлдөөнд ашиглагдаж байсан бөмбөгнүүд нь аюул өндөртэй байсан бөгөөд энэ нь тулаан дууссаны дараа энгийн иргэдэд хохирол учруулж болзошгүй тэсрээгүй бөмбөг олон үлддэг аж.
