Хэнтий аймгийн Батноров сумын Улаан-Өндөр гэх газарт үйл ажиллагаа явуулдаг жоншны нөөц бүхий газарт 4 этгээд бүлэглэн нэвтэрч, газрыг өөрсдийн мэдэлд авах зорилгоор бусдыг айлган, заналхийлжээ.
Тодруулбал, урьд өмнө нь удаа дараа ял шийтгэл эдэлж байсан Э.Э, Ё.Б, Б.Б, Д.Б нар нь үгсэн тохиролцож ”Бичигт Ногоон тал” нөхөрлөлийн дарга ажилтай Б.М-ыг айлган сүрдүүлж заналхийлсэн байна. Уг хэрэгт ЭХТА-ын 17.6 дугаар зүйлийн 1 дэх хэсэгт зааснаар хэрэг бүртгэлтийн нээн мөрдөн шалгах ажиллагаа явуулаж, гэмт этгээдүүдийг яллагдагчаар татах саналтай Нийслэлийн прокурорын газарт шилжүүлжээ.
