Өвөрхангай аймгийн Уянга сумын Таац багийн “Баруун голын шаахам зураа” гэдэг газар бага насны хүүхэд өчигдөр /2022.05.15/ 17:30 цагийн орчим гэрийнхээ гадна тоглож байгаад сураггүй болжээ. Энэ тухай дуудлагыг үүрийн 05:35 цагт хүлээн авсан тус сумын Таац багийн Засаг даргаар ахлуулсан сумын мэргэжлийн ангийнхан, орон нутгийн иргэд 3 настай хүү С-г эрэн хайх ажиллагааг зохион байгуулж байна. Тус аймгийн Онцгой байдлын газрын Гал түймэр унтраах, аврах 12 дугаар ангийн алба хаагчид өнөө өглөө 06:32 цагт хүч нэмэгдүүлэн ажиллахаар хөдөлжээ.
