Хятадын өмнөд хэсэгт амьдардаг нэгэн хос, хулгайлагдсан хүүгээ 14 жилийн турш эрэн хайсны эцэст олсон байна. Хүүгийн аав Сун Хайян, ээж Пэн Сиинг нар үл хөдлөх хөрөнгөө зарж хулгайлагдсан хүүгийн талаар үнэн, зөв мэдээлэл өгсөн хүнд 31 мянган ам доллар өгнө хэмээн зар хүртэл байршуулж байжээ. Арга мухардсан эцэг, эх хүүгээ эрэн хайн Хятадын бүх мужаар явсан гэнэ. Эцэст нь 4 настайдаа хулгайлагдсан Сун Жуо хүүтэйгээ уулзжээ.
Сун Жуо-ыг хулгайлсан сэжигтэн болох Вуг цагдаагийн байгууллага баривчлан саатуулсан аж.
Хятадын хуулиар хүн хулгайлсан, зарсан тохиолдолд цаазын ял оноодог бол худалдан авсан хүнийг гурван жил хорих ялтай.
Тус улсад энэ оны байдлаар найман мянга гаруй хулгайлагдсан хүүхдийг олжээ.
