О.Сүлдхүү "Ах дүү Хадарцев-ын цом"-оос алтан медаль хүртлээ

ОХУ-ын Владикавказ хотноо аравдугаар сарын 1-2-ны өдрүүдэд зохион байгуулагдсан "Ах дүү Хадарцев-ын цом" олон улсын тэмцээнд Монгол Улсаа төлөөлөн МУГТ Э.Бэхбаяр, ОУХМ О.Сүлдхүү, ОУХМ Б.Мөнх-Эрдэнэ нар амжилттай оролцлоо. Дэлхийн аварга шалгаруулах тэмцээний хүрэл медальт МУГТ Э.Бэхбаярын хувьд АНУ-д чөлөөт бөхийн дасгалжуулагчаар ажиллаж амьдарч байгаа билээ.

     Тус тэмцээний 79 кг-ын жинд Үндэсний шигшээ баг, "Алдар" спорт хороо, "Дархан-Хасу Fohow MNU03” клубийн тамирчин ОУХМ Олонбаярын Сүлдхүү "Алтан" медаль.  Харин 61 кг-ын жинд "Приус центр"-ийн тамирчин МУГТ Эрдэнэбатын Бэхбаяр "Хүрэл" медаль. Үндэсний шигшээ баг, "Төгс" дэвжээний тамирчин ОУХМ Батхуягийн Мөнх-Эрдэнэ 57 кг-ын жинд хүрэл медаль тус тус хүртлээ.