Сэлэнгэ аймгийн Цагдаагийн газраас “Жолооч та замын хөдөлгөөний дүрмээ биелүүлж, хөдөлгөөнд яаралгүй, хүлээцтэй, соёлтой оролцсоноор хайртай бүхнээ хамгаалж чадна” хэмээх анхааруулгыг хүргэж байна.
Сэлэнгэ аймгийн Цагдаагийн газраас "Яараад яахав дээ" арга хэмжээний хүрээнд хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг, ослоос урьдчилан сэргийлэх ажлыг эрчимжүүлэн ажиллаж байна. Тодруулбал замын цагдаагийн байнгын хяналтын таван цэг болон орон нутгийн замуудад хөдөлгөөнт эргүүлийг тогтмол ажиллуулж байгаа аж. Энэхүү хөдөлгөөнт эргүүлүүд хөдөлгөөний аюулгүй байдал, ослоос урьдчилан сэргийлэх зорилгоор ажиллаж байгаа бөгөөд хяналт шалгалтын үйл ажиллагааг зохион байгуулж байгаа ажээ.
