2025 оны 3 дугаар сарын 19-ний 22.00 цагийн байдлаар улаанбурханы лабораториор батлагдсан нийт 62 тохиолдол бүртгэгдээд байна.
- 2025 оны 3 дугаар сарын 19-ний өдөр Булган аймгаас ирсэн мэдээллийн дагуу шинжилгээ хийхэд улаанбурхан өвчний сэжигтэй 1 тохиолдол лабораториор батлагдлаа.
- Мөн Төв аймгаас улаанбурханы сэжигтэй 1, Орхон аймгаас улаанбурхан өвчний сэжигтэй 3 тохиолдол тус тус мэдээлэгдэж тандалт судалгаа, шинжилгээ хийгдэж байна.
Иймд эцэг, эх, асран хамгаалагчид хүүхдийнхээ улаанбурханы эсрэг товлолт вакцинд 9 сартай болон 2 настайд бүрэн хамруулсан эсэхийг тодруулах, товлолын дагуу улаанбурханы эсрэг вакцины 2 тунд хамрагдаагүй бол өрх, сумын эрүүл мэндийн төвд хандан улаанбурханы эсрэг вакцинд нөхөж хамруулна уу.
