Яст мэлхийн мах идсэн гурван хүн амиа алдаж, 32 хүн эмнэлэгт хүргэгджээ

Филиппинд нэн ховордсон далайн яст мэлхийн махаар шөл хийж идсэний улмаас гурван хүн амиа алдаж, 32 хүн эмнэлэгт хүргэгджээ.

Өнгөрсөн долоо хоногт Магуинданао дель Норте мужийн далайн эргийн хотод яст мэлхий чанаж идсэний дараа олон арван уугуул иргэд суулгаж, бөөлжиж, хэвлийгээр өвдөх зэрэг шинж тэмдэг илэрсэн гэж албаны хүмүүс мэдэгдэв.

Филиппиний байгаль орчныг хамгаалах хуулийн дагуу далайн яст мэлхийг агнах, хэрэглэх нь хууль бус боловч далайн амьтдыг уламжлалт амттан болгон иддэг хэвээр байна.

Хордсон хоолонд хийж идсэн яст мэлхийнээс үлдсэн хуяг. Зургийн эх сурвалж: BBC

Гэхдээ замаг, тэр дундаа эрүүл мэт харагддаг далайн яст мэлхийг чанаж, идэх үед хортой байдаг. Ховордсон далайн яст мэлхийнүүдийг хоол хүнсэндээ хэрэглэх нь зөвхөн байгаль хамгаалах хууль зөрчөөд зогсохгүй эрүүл мэндэд аюул учруулах эрсдэлтэй. Учир нь яст мэлхийн зарим төрөл нь өөрсдийн хоол хүнс эсвэл орчны нөлөөллөөс болж биедээ “хелонитоксин” гэх хорт бодис хуримтлуулдаг. Эдгээр хор бодис хоол хийх явцад устдаггүй бөгөөд үүний улмаас хүний биед хордлого үүсгэж, бөөлжих, суулгах, амьсгалахад хүндрэл үүсэх зэрэг шинж тэмдгүүд илэрч, цаашлаад үхэлд хүргэж болдог.

Хүний амь насанд хүрсэн энэ явдлаас гадна ховордсон зүйлүүдийг хамгаалах, байгаль орчны сүйтгэл, хулгайн ан, уур амьсгалын өөрчлөлтөөс болж ихээхэн аюулд орсон эдгээр амьтдыг хамгаалахад анхаарал хандуулах шаардлагатайг харуулж байна.

Эх сурвалж: BBC