Хөвсгөл аймгийн Жаргалант сумын Цэцүүх багийн Цэцүүхийн-Аманд зусаж буй малчин 65 настай, эрэгтэй 7 дугаар сарын 30-нд мотоциклоор малдаа яваад сураггүй болжээ. Улмаар өчигдөр 14:08 цагт тус аймгийн Онцгой байдлын газрын Галт сум дахь Гал түймэр унтраах, аврах 76 дугаар ангийн албан хаагчид уг дуудлагыг хүлээн авч, тус сум дахь Цагдаагийн тасгийн албан хаагч, Жаргалант сумын Засаг даргын Тамгын газрын ажилтнууд, ар гэрийнхэнтэй хамтран, эрэн хайх ажиллагаа зохион байгуулж, 21:08 цагт тус багийн Мухарын-Амнаас цогцсыг нь олжээ.
