Шударга өрсөлдөөн хэрэглэгчийн төлөө газраас банкны нэг хувийн шимтгэлтэй холбоотойгоор хяналт шалгалт хийжээ. Шалгалтын дагуу есөн банканд Зөрчлийн тухай хуулийн дагуу тус бүр 20 сая төгрөгийн торгууль оногдуулсан байна. Тус банкууд дээрх шийдвэрийг хүлээн зөвшөөрөхгүй гэдгээ мэдэгдэж шүүхэд гомдол гаргасан. Шүүхийн ажиллагаа үргэлжилж байгаа аж. Мөн нэг хувийн шимтгэлтэй холбогдуулан иргэдийн зүгээс ББСБ-ыг шалгах санал ирүүлжээ. Одоогоор 527 ББСБ үйл ажиллагаа явуулж байгаагаас 50-д нь хяналт шалгалт явуулсан байна. Үүнээс 26 ББСБ-д зөрчил илэрсэн гэнэ.Тухайлбал,зээлийн шимтгэлийн нэг хувийг авахдаа үндэслэлгүй тогтоосон, зээлийн шимтгэл хураамжийг давхардуулан авсан гэх зөрчлүүд илэрчээ
