Хөвсгөл аймагт сүүлийн үед бага насны хүүхдүүд уушгины хатгаагаар өвчлөх нь эрс нэмэгдсэн байна. Өнөөдрийн байдлаар аймгийн Нэгдсэн эмнэлэгт 72 хүүхэд хэвтэн эмчлүүлж байгаагийн дотор 69 нь уушгины хатгаатай гэнэ. Хүүхдийн тасгийн амбулаториор ажлын цагт өдөрт 100 орчим, оройн цагаар 50-60 хүүхэд тогтмол үзүүлж, үйлчилгээ, зөвлөгөө авч байна. Цэцэрлэг эхэлснээс хойш бага насны хүүхдүүдийн дунд ханиад томуу эрс нэмэгдэж хүндэрч хатгаа болж байна. Иймээс эцэг эхчүүд хүүхдүүдээ ханиалгаж байвал гэрт нь харж халуун илчлэг хоол хүнс, амин дэм өгч байхыг Нэгдсэн эмнэлгийн Хүүхдийн тасгийн эрхлэгч Б.Ганчимэг зөвлөж байна.
