Өмнөговь аймгийн Сэврэй суманд 10 айлын орон сууцыг ашиглалтанд орууллаа. Орон нутгийн төсвийн хөрөнгө оруулалтаар хийсэн уг ажлыг Сэврэй сум ЗДТГ-аас захиалж “Билгүүн Од констракшн” ХХК гүйцэтгэжээ. Засгийн газрын 2021 оны 212 дугаар тогтоолоор батлагдсан барилга байгууламжыг байнгын ашиглалтад оруулах дүрмийн дагуу Аймгийн Засаг даргын захирамжаар байгуулагдсан ажлын хэсэг ажиллаж үүрэг даалгаврын биелэлтээр байнгын ашиглалтад шилжүүлэхээр шийдвэрлэлээ гэж аймгийн Газрын харилцаа, барилга, хот байгуулалтын газраас мэдээллээ. Энэ оны долдугаар сард эхлүүлсэн уг бүтээн байгуулалтыг 775 598 366 төгрөгөөр санхүүжүүлсэн байна.
