Баянгол дүүрэгт 2021 онд дүүргийн хэмжээнд 785 автомашины ил зогсоолыг байгуулахаар төлөвлөн ажиллаж байна. Энэ ажлын хүрээнд БГД-ийн 4 дүгээр хороонд 130 орчим авто машины зогсоолыг байгуулаад байна. Тухайлбал, Баянгол дүүргийн 4 дүгээр хороо, орон сууцны 5, 6 дугаар байрны урд байрлах зөвшөөрөлгүй барьсан 19 тоосгон гарааш, нэг чингэлгийг чөлөөлсөн газар дээр буюу дүүргийн ЗДТГ-ын хойно хоёр байршил дээр нийт 35 автомашины зогсоол, 164 дүгээр цэцэрлэгийн орчим 40 машины авто зогсоол, 41, 42 дугаар байр орчимд 20 машины авто зогсоол, Жасрайн зам дагуу 35 автомашины зогсоолыг тус тус байгуулаад байна.
