Сэлэнгэ аймгийн Мандал сумын гуравдугаар сургуулийн 30 гаруй сурагч хоолны хордлого авсан байж болзошгүй шинж тэмдэгтэй эмнэлэгт хүргэгджээ. Тодруулбал, 6-10 насны 36 хүүхэд сумын эмнэлэгт хандсанаас 14 хүүхэд сумын эмнэлгийн халдварт өвчин судлалын тасагт хэвтэн эмчлүүлж байгаа аж.
Мандал сумын Онцгой комисс өнөөдөр хуралдаж, гуравдугаар сургуулийн үдийн цай хөтөлбөрт хамрагддаг бага ангийн 25 бүлгийн 810 хүүхдэд эрүүл мэндийн үзлэг, тандалт хийхээр болжээ.
Хоолны хордлого авсан байж болзошгүй шинж тэмдэгтэй хүүхдүүдийн өтгөнөөс шинжилгээ авсан бөгөөд хариу нь гурав хоногийн дараа гарах юм байна.
http://www.zuv.mn/pw3
