Увс аймгийн Цагаанхайрхан суманд 250 хүний суудалтай Соёлын төвийн шинэ барилга ашиглалтад орлоо. Сумын соёлын төв 1987 онд одоогийн үйл ажиллагаа явуулж буй барилга нь "Ардын театр" нэртэйгээр байгуулагдсан бөгөөд 1990 оноос эхлэн соёлын арга хэмжээ зохион байгуулсаар иржээ.Түүнээс хойш урсгал засвар хийхээс бус томоохон их засварт ороогүй байна. Тэгвэл энэ жил соёлын төв байраа шинэчилж орчин үеийн дэвшилтэд технологи бүхий үйлчлүүлэгчийн хэрэгцээ шаардлагад нийцсэн 250 суудалтай барилгыг ашиглалтад оруулав. Соёлын төвийн шинэ барилгатай болсноор ашиглалтын талбай нь хуучнаасаа нэмэгдсэн төдийгүй дуу чимээ тусгаарлалт сайтай, аюулгүй байдлыг өндөр түвшинд хангасан ажээ.
БШУЯ-ны захиалгаар Барилгын хөгжлийн төв техникийн хяналтыг гүйцэтгэж, “Турлиахт” ХХК барилга угсралтын ажлыг гүйцэтгэж, ашиглалтад хүлээлгэн өглөө.
Эх сурвалж: Барилгын хөгжлийн төв
