Парламент өнгөрсөн онд Aж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төслийг баталсан.
Хуулиар албан татвар төлөгчийг орлого олох үйл ажиллагаатай хамааралгүйгээр нийгмийн хариуцлагын хүрээнд дэмжих юм. Энэ элэгдэл тооцох үндсэн хөрөнгөд оруулсан хөрөнгө оруулалт, харилцан хамааралгүй бусад этгээдэд олгосон санхүүгийн дэмжлэг, хандивын зардлыг аж ахуйн нэгжийн орлогын албан татварын тухай хуулийн 20.1-д заасны дагуу ногдуулсан албан татвараас хасаж хөнгөлөх юм.
Хөнгөлөгдөх дүн нь татвар ногдох орлогын нэг хувь хүртэл дүнгээр төлбөл зохих албан татвараас шууд хасаж хөнгөлөгдөхөөр боллоо. Энэхүү хуулийн заалт нь 2035 оны нэгдүгээр сарын 1-н хүртэл хүчин төгөлдөр мөрдөгдөнө.
Эх сурвалж: "Зууны мэдээ" сонин
