Москва аюулгүй байдлыг хангахын тулд хүссэн бүхнээ хийнэ гэв

Хуваалцах Жиргэх

Ерөнхийлөгч Владимир Путин Хойд Солонгосын цэргийг ашиглах эсэх нь ОХУ-ын хэрэг бөгөөд хэрвээ Украин НАТО-д элсэхийг хүсвэл Москва аюулгүй байдлыг хангахын тулд хүссэн бүхнээ хийнэ гэжээ.

Хойд Солонгос 3000 цэргээ Украинд байршуулахаар Орос руу илгээсэн тухай нотлох баримтууд байгаа гэж АНУ мэдэгдсэн билээ. Украины цэргийн тагнуулын алба ОХУ-д сургагдсан Хойд Солонгосын цэргийн ангиудыг Оросын хилийн Курск мужид байршуулсан гэж мэдэгджээ.

"Бид ямар нэг зүйлийг шийдэх ёстой бол өөрсдөө шийдэх болно. Гэхдээ бид үүнийг хэрэгжүүлэх эсэх нь бидний бүрэн эрхт шийдвэр" гэж Путин Оросын төрийн телевизэд ярилцлага өгөх үеэрээ онцолжээ.

Путин, Хойд Солонгосын удирдагч Ким Жөн Ун нар өнгөрсөн зургаадугаар сард Пхеньянд хийсэн айлчлалын үеэр иж бүрэн стратегийн түншлэлийн хэлэлцээрт гарын үсэг зурсан билээ. Хэлэлцээрийн 4-р зүйлд "Хэрэв аль нэг улс эсвэл хэд хэдэн муж зэвсэгт халдлагад өртөж, улмаар дайны байдалд орвол нөгөө тал нь цэргийн болон бусад бүх арга хэрэгслээр яаралтай тусламж үзүүлнэ” гэжээ. Путин Хойд Солонгос Орос руу цэргээ илгээсэн гэсэн АНУ-ын мэдэгдлийг үгүйсгээгүй, Пхеньянтай харилцан хамгаалах заалтаа хэрхэн хэрэгжүүлэх нь Москвагаас шалтгаална гэж мэдэгдээд барууны орнуудыг Украины дайныг хурцатгаж байна гэж буруутгажээ.

Эх сурвалж: Reuters