Цахим сүлжээгээр Монголд үйл ажиллагаа явуулдаггүй гадаадын байгууллагын нэрийг ашиглан иргэдэд тэтгэмж олгоно гэх амлалт өгч, урьдчилгаа төлбөр нэхэх, хувийн мэдээлэл авах замаар залилан хийх тохиолдол нэмэгдэж байна. Эдгээр зарууд ихэвчлэн “Үнэгүй тэтгэмж өгнө”, “Эргэн төлөлтгүй зээл”, гэх мэт амлалттай байдаг аж. Зараа нийтлэхдээ ихэвчлэн орчуулгын программ ашигласан байдаг тул үг, утга найруулгын хувьд алдаатай байдаг. Залилагчид иргэдээс урьдчилгаа төлбөр, хувийн мэдээлэл, эсвэл банкны нууц үгийг нь авах гэж оролдоно. Хуурамч вэбсайт, телеграмм хуудас болон бусад линкүүдээр иргэдийг мэхэлдэг байна. Хэрэв хэн нэгэн танд яаралтай төлбөр хийхийг шаардаж байвал энэ нь залилан байх магадлал тун өндөр.
Дархан-Уул аймгийн иргэн Т нь “TAIEX банкны санхүү” нэртэй фейсбүүк хаягтай харилцан тэтгэлэгт хамрагдахаар ХХБ-ны ... тоот дансанд 1.460.000 төгрөгийг шилжүүлж залилуулсан, Өмнөговь аймгийн иргэн Б “Эргэн төлөгдөхгүй санхүүжилт Монгол” гэх фейсбүүк хаягтай холбогдож, 21.140.000 төгрөг шилжүүлж залилуулжээ.
Ямар нэг байдлаар зээл эсвэл тэтгэмжийн талаар мэдээлэл авахдаа тухайн байгууллагын албан ёсны вэбсайт руу орж шалгах Хувийн мэдээллээ хэзээ ч үл таних хүнд өгөхгүй байх Урьдчилгаа төлбөр нэхэх нь залилангийн хамгийн нийтлэг арга тул иймэрхүү саналыг хүлээж авахгүй байх нь зүйтэй.
