Ерөнхийлөгч У.Хүрэлсүх БРИКС-ийн гишүүн орнуудын дээд хэмжээний уулзалтад оролцох уу

Хуваалцах Жиргэх

ОХУ-ын Ерөнхийлөгч Владимир Путин Монгол Улсад албан ёсны айлчлал хийх үеэрээ тус улсын Ерөнхийлөгч Ухнаагийн Хүрэлсүхийг удахгүй болох БРИКС-ийн гишүүн орнуудын дээд хэмжээний уулзалтад оролцохыг урьжээ.

Путин Монголын нийслэл Улаанбаатарт болсон уулзалтын үеэр “Бид таныг хүлээж байна” хэмээсэн байна. Бразил, Орос, Энэтхэг, Хятад, Өмнөд Африк зэрэг хөгжиж буй томоохон эдийн засагтай орнуудын бүлэг аравдугаар сарын сүүлээр Оросын Казань хотод хуралдана. Гэхдээ Монгол Улсын Ерөнхийлөгч У.Хүрэлсүх тус уулзалтад оролцох эсэх талаар байр суурь илэрхийлээгүй байна.

Владимир Путин Монгол дахь эдийн засгийн хамтын ажиллагааны талаар юуны түрүүнд ярихыг хүсэж байгаагаа илэрхийлж, хоёр улсын хооронд чөлөөт худалдааны хэлэлцээрийг эцэслэж, Монголын 300 гаруй бараа бүтээгдэхүүнийг ОХУ-д татварын хөнгөлөлттэй нийлүүлэхийг боломжийг нээнэ гэдгийг онцолсон.

Путиныг Украины дайнтай холбоотойгоор Олон улсын эрүүгийн шүүхээс баривчлах тушаал гаргасан 2023 оны гуравдугаар сард тушаал хүчин төгөлдөр болсноос хойш Кремлийн удирдагч анх удаа түүнийг Нидерланд дахь шүүхэд шилжүүлэн өгөх ёстой улсад айлчилсан. Гэвч Монгол Улс Орос болон бусад хөрш Хятадаас эдийн засгийн хараат байгаа тул Путиныг баривчлах магадлал угаасаа бага байсан.

Монгол Улс хоёр их гүрний дунд оршиж, хөрш орнуудтайгаа төдийгүй барууны орнуудтай тэнцвэртэй харилцаа тогтоохыг хичээж байна. Монгол шинжээч Жулиан Диеркесийн хувьд “Монгол Улс Владимир Путиныг хүлээлгэж өгөх нь бараг л "амиа хорлох" хэрэг болно. Монгол Улс шатахууныхаа ихэнх хувийг ОХУ-аас авдаг. Хятад улс нь Монголын хамгийн чухал худалдааны түнш бөгөөд 3.4 сая орчим хүн амтай тус улс нүүрс зэрэг түүхий эдээ Бээжин рүү экспортолдог” хэмээжээ.

Эх сурвалж: DPA