Увс аймгийн Бөхмөрөн сумын түүхт 100 жилийн ойн баяр наадам энэ сарын 12-14 /2024.08.12-14/-ны өдрүүдэд болж өндөрлөсөн байна. Бөхмөрөн сумын 100 жилийн ойн баяр наадамд УИХ-ын гишүүн, Эрчим хүчний сайд Б.Чойжилсүрэн хувиасаа 35 сая төгрөгийн хандив өгснийг бие төлөөлөгч нь гардуулжээ. Харин УИХ-ын гишүүн О.Цогтгэрэл наадмын нээлтэнд өөрийн биеэр оролцож баяр наадмын үйл ажиллагаанд зориулан хувиасаа 20 сая төгрөгийн хандив мөн 10 сая төгрөгний үнэлгээ бүхий эрүүл мэндийн тоног төхөөрөмж гардуулжээ. Тэгвэл Увс аймгийн Бөхмөрөн сумын наадмын соёолон насны морьдын уралдаан шөний 21:00 цагийн орчимд болсон нь олон хүний шүүмжлэлийг дагуулаад байна.
