Стандарт, хэмжил зүйн газрын удирдах ажилтны хүрээнд 21 аймгийн Стандарт, хэмжил зүйн хэлтсийн дарга нарыг Монгол Улсын Засгийн Газрын Гишүүн, Шадар сайд С.Амарсайхан хүлээн авч, уулзлаа.
Уулзалтын эхэнд Шадар сайд С.Амарсайхан, "Орон нутагт Стандарт, хэмжил зүйн чиглэлээр үйл ажиллагаагаа удирдаж, ажиллаж байгаа та бүхэнд баярлалаа, цаашдын ажилд нь амжилт хүсье.
Монгол Улсын Засгийн Газар Стандарт, хэмжил зүйн салбарт онцгой анхаарч байна. Салбарын сайдын хувьд Хууль, Эрх зүй, Төрөөс баримтлах бодлого, үндэсний хөтөлбөрийг үе шаттайгаар явуулах, энэхүү ажлыг орон нутагт түгээн дэлгэрүүлэхэд та бүхэн сайтар анхаарч ажиллахыг хүсье" хэмээн хэллээ.
Мөн Төрийн дээд одон медалиар шагнагдсан албан хаагчдад халуун баяр хүргэж, амжилт хүслээ.
