Булган аймгийн Засаг даргын 2025 оны А/724 дүгээр захирамжаар 2025 оны арваннэгдүгээр сарын 20-ноос ирэх оны 5 дугаар сарын 15-ны өдөр хүртэлх хугацаанд гол, нуурын мөсөн дээгүүр явганаар болон тээврийн хэрэгслээр зорчих, мал туухыг хориглох шийдвэр гаргажээ.
Булган аймгийн нийт судалгаатай голд арванхоёрдугаар сарын 2-ны байдлаар битүү мөсөн бүрхүүл болон харз, халиа, тошин зонхилон ажиглагдаж байгаа юм. Мөн нийт нутгаар мөс зузаарахгүй, олон жилийн дунджаас 8-27 см-ээр нимгэн байна.
