Аймгийн ИТХ-ын ээлжит хуралдааныг энэ сарын 21-ний өдөр хуралдуулахаар товлоод байсан ч хойшлуулжээ.
Тодруулбал, УИХ-ын ээлжит бус чуулганаар Төсвийн тухай хуульд өөрчлөлт оруулах тухай хуулийн төслийг хэлэлцэж байгаатай холбогдуулан аймгийн ИТХ-ын Тэргүүлэгчид энэ сарын 19-ны өдөр хуралдаж, аймгийн ИТХ-ын 7 дахь удаагийн сонгуулийн ээлжит 11-р хуралдааныг ирэх сарын 2-ны өдөр хуралдуулахаар товложээ.
Ээлжит хуралдаанаар хэлэлцэх асуудлуудаас Түгээмэл тархацтай ашигт малтмалын борлуулалтын жишиг үнэлгээ тогтоох гэсэн асуудлыг хасаж, харин аймгийн 2020 оны төсөвт өөрчлөлт оруулах тухай асуудлыг нэмж хэлэлцэхээр болсон байна.
