ОХУ-ын алдарт бөх олимпын3удаагийн аварга, дэлхийн 6 удаагийн аварга Бувайсар Сайтиевын нэрэмжит U17 насны XVIII дахь олон улсын тэмцээнээс Сэлэнгэ аймгийн Орхон сумын харьяат БТСГ-ын тамирчин Түшигбаярын Энххүслэн хүрэл медальтай ирлээ.
Тэрбээр уг тэмцээнд Монгол Улсаа төлөөлөн оролцсон тамирчдаас 48 кг-ын жинд хүрэл медаль хүртсэн аж. Т.Энххүслэнгийн дасгалжуулагчаар ОУХМ Г.Амархүү ажиллажээ.
Тэмцээнд Армен, Иран, Грек, Энэтхэг, Азербайжан, Монгол, Киргиз, Казахстан, ОХУ, Тажикистан зэрэг 10 орны 350 өсвөр үеийн бөхчүүд хүчээ сорин өрсөлдсөн байна. Тус тэмцээнийг ОХУ-ын Красноярск хотноо энэ сарын 3-5-ны өдрүүдэд зохион байгуулжээ.
