Хөвсгөл аймаг коронавирусний батлагдсан тохиолдлуудыг бүрэн эмчилж, ногоон бүс болж байсан боловч хот хоорондын зам нээгдсэнээр халдвар зөөвөрлөгдөн нэмэгдэж эрсдэлтэй нөхцөл байдал үүслээ. Коронавируст халдварыг эмчилж байсан Халдварт сүрьеэгийн тасаг өвчтөнөөр дүүрсэн учраас Сэтгэц, арьсны тасгийг чөлөөлөн Нэгдсэн эмнэлгээс 120 орчим орыг нэмэлтээр дэлгэжээ.
Сүүлийн 24 цагт Нэгдсэн эмнэлгийн Молекул биологийн лабораторид 565 сорьцод PCR шинжилгээ хийхэд 29 хүнээс коронавирусний халдвар илэрч, нийт батлагдсан тохиолдлын тоо 150 болсон байна.
Тодруулбал Чандмань-Өндөр суманд 1, Мөрөн суманд 28 хүнээс халдвар илэрч, Хөвсгөл аймагт идэвхтэй 10 голомт байгаагийн 8 нь Мөрөн суманд байгаа ажээ.
