Хэнтий аймгийн Биндэр сумын Баянгол багийн нутаг Онон голын мөс цөмөрч, ачааны машин суужээ. Энэ тухай дуудлага өчигдөр 21:40 цагт ирсэн байна.
Биндэр сумаас Баян-Адарга сумын чиглэлд зорчиж явсан гурван зорчигчтой (2 нь хүүхэд) иргэн Б-ны "Портер" загварын ачааны автомашин мөс цөмөрч, усанд суусан байна. Дуудлагын дагуу тус аймгийн Онцгой байдлын газрын Баян-Адарга сум дахь Эрэн хайх, аврах салбарын алба хаагчид очсон ч машиныг татан гаргах боломжгүй байжээ. Тиймээс зорчигчдыг Баян-Адрага сумын төвд хүргэсэн байна.
