"Нэг хаалга-Нэг шинжилгээ" өнөөдөр БЗД-т хэрэгжиж дуусаад өндөрлөж байгаа юм. Үүнтэй холбоотойгоор ажил олгогч нар шинжилгээ өгөх шаардлага тавьсан учраас өчигдрийн байдлаар 45800 иргэнээс шинжилгээ авахаар төлөвлөсөн боловч 52 мянга гаруй иргэн шинжилгээнд хамрагдаж, ачаалал үүсчээ. Нийслэлийн Засаг дарга бөгөөд Улаанбаатар хотын захирагч Д.Сумъяабазар коронавирусын эрсдэл тархах магадлал өндөр гэж тооцогдож байгаа Баянзүрх дүүргийн 25 дугаар хороонд өнөөдөр ажиллаж, шинжилгээний явцтай танилцлаа.
