Хүчтэй шуурганы улмаас хоёр гэр нурж, автомашины шил хагарчээ. Тодруулбал, Дорноговь аймгийн Толийн булаг гэдэг газарт долдугаар сарын 24-ний 03:00 цаг орчимд 16-18 м/сек хүчтэй салхины улмаас хоёр гэр нурж, автомашины салхины шил хагарсан тухай мэдээлэл тус сумын Засаг даргад мэдээлжээ.
Тус аймгийн малчин М-ын таван ханатай хоёр гэр нурж, хоёр гэрийн голд байсан “Тоёота-приус-20” загварын суудлын автомашины салхины шил хагарсан тухай мэдээллийг долдугаар сарын 24-ний өдрийн 13:35 цагт тус сумын Засаг дарга аймгийн Онцгой байдлын газарт мэдээлсэн байна.
